HomesociedadeRaquel Arias, regresa ao IES Río Cabe para compartir as súas experiencias...

Raquel Arias, regresa ao IES Río Cabe para compartir as súas experiencias profesionais

A vicepresidenta primeira do Parlamento de Galicia, Raquel Arias, visitou esta semana o IES Río Cabe de Monforte de Lemos para compartir co alumnado de 1.º de Bacharelato a súa experiencia vital e profesional. A charla tivo lugar no salón de actos do centro, nun encontro que permitiu achegar a realidade da política galega á comunidade educativa.

Publicado o

POR
Redacción
- Advertisement -

Durante a súa intervención, Raquel Arias fixo un percorrido pola súa traxectoria vital, desde os seus primeiros anos en Proendos, no concello de Sober, ata a súa etapa como estudante no IES Río Cabe, onde viviu experiencias académicas e persoais que contribuíron á súa formación. Cun ton próximo e distendido, compartiu tamén algunhas anécdotas e «segredos» da súa época de estudante, así como o xeito natural no que foron xurdindo os seus intereses e inquietudes ata decidirse por estudar Xornalismo.

A continuación, repasou a súa carreira profesional no ámbito xornalístico e explicou como foi dando o paso ao mundo da política, unha actividade na que afirma sentirse moi a gusto, aínda que tamén implica sacrificios e importantes responsabilidades.

A súa intervención conseguiu captar a atención do alumnado, que tivo a oportunidade de coñecer máis de preto o funcionamento da actividade política e de intercambiar opinións con ela sobre diferentes cuestións de actualidade. A igualdade, a importancia da participación e a necesidade de escoitar e dialogar ocuparon tamén un lugar destacado nun encontro que promoveu a reflexión e o espírito crítico entre os estudantes.

Raquel Arias puxo así de manifesto o valor da comunicación, da escoita activa e do respecto polas opinións alleas como ferramentas fundamentais para abordar as diferenzas e resolver conflitos, tanto na vida pública como nas relacións persoais.

Desde o IES Río Cabe agradecen a súa dispoñibilidade e xenerosidade por regresar ó centro e compartir co alumnado a súa experiencia vital, académica e profesional. A súa visita constitúe unha oportunidade para achegar referentes próximos ós estudantes e axudarlles a comprender que as decisións, as inquietudes e as experiencias de cada etapa da vida poden abrir camiños cara a futuros profesionais moi diversos.

ÚLTIMAS

Premio ao Mellor Documental para o Colexio Escolapios de Monforte nun Festival Escolar Internacional

O Real Colexio Escolapios de Monforte vén de recibir o premio ao mellor documental...

Xa se coñecen os gañadores do XII Concurso de Proxectos Empresariais Semente Ribeira Sacra

O Concurso de Proxectos Empresariais Semente Ribeira Sacra celebrou este sábado a súa xornada...

A cafetería do Complexo Deportivo da Pinguela será de libre acceso tamén para o público xeral

A cafetería do Complexo Deportivo da Pinguela comezou xa a prestar servizo ás persoas...

A Deputación arranxará a LU-P-4707 que comunica Veneira con Roques na Pobra do Brollón

O representante do PSdeG, Adolfo Rubio, valora que a Deputación se reunise directamente coa...