Iniciosociedade103.990 euros para mellorar a iluminación de 8 rúas de Monforte

103.990 euros para mellorar a iluminación de 8 rúas de Monforte

As melloras faranse en rúas troncais da cidade, Duquesa de Alba, San Lázaro, Calvo Sotelo, San Pedro, Coruña, Chantada, Teceláns e Ourense, beneficiando directamente a 3.000 veciños.

Publicado o

- Advertisement -

O actual alumeado público dispón dunhas instalacións nun estado aceptable, pero enerxeticamente ineficientes, segundo apuntan desde o concell0. Proxéctase a substitución das luminarias e refórmaranse e colocaranse 4 novos cadros de mando con protección contra sobretensións.

Os novos equipos estarán formados por elementos de tecnoloxía moderna e alta eficiencia enerxética, de tecnoloxía LED, con protección térmica e diferencial, con encendido mediante programador astronómico e con equipos electrónicos multinivel de preprogramado.

En total cambiaranse 175 luminarias. Coas novas instalacións redúcese o consumo en 58.261 KWh/ano, pasando dun consumo actual de 92.151 KWh/ano a un consumo coa nova instalación de 33.889 KWh/ano, o que supón un aforro do 63,22 % do consumo.

O orzamento de licitación que inclúe o proxecto e dirección de obra ascende a 103.990 euros. A financiación deste orzamento procede nun 80% do IDAE (Instituto para a diversificación e aforro da enerxía, do Ministerio de Industria) e o 20% restante con fondos do Concello. O proxecto prevé 3 meses de prazo de execución.

Neste momento está aberto o prazo para a presentación de ofertas por parte das distintas empresas que queiran optar á realización desta obra, tendo previsto reunirse a Mesa de Contratación para abrir as ofertas presentadas o luns día 18 de marzo ás 9 da mañá.

Cando estean rematados estes traballos serán máis de 50 as rúas e prazas da cidade que viron mellorado o alumeado público. Segundo o concello, estas actuacións converten a Monforte nunha cidade máis luminosa e máis segura.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...