HomesociedadeA D.O. Ribeira Sacra, cita coa promoción internacional en Prowein

A D.O. Ribeira Sacra, cita coa promoción internacional en Prowein

O Consello Regulador organiza un Túnel do Viño no que 19 adegas da Denominación de Orixe participan achegando máis 44 referencias.

Publicado o

- Advertisement -

A cita con Prowein, que terá lugar en Düseldorf(Alemaña) do 17 ao 19 de marzo, é a primeira da D.O. Ribeira Sacra no estranxeiro, este ano. Despois de estar presente en Fitur, Enofusión, Xantar e no Forum Gastronómico na Coruña; chega unha das feiras profesionais de carácter internacional con máis prestixio, e a D.O. Ribeira Sacra non podía faltar, do mesmo xeito que algunhas das súas adegas a nivel particular.

A Feira de Düsseldorf está repesentada en 141 países por medio de 77 representantes estranxeiros. Trátase dunha cita ineludible para os profesionais do viño e é unha oportunidade excelente para promocionar e dar coñecer os viños de Ribeira Sacra no mercado internacional, onde cada vez son máis demandados e valorados.

Entre o material promocional, a Denominación levará novos exemplares do mapa da Denominación, documento imprescindible para poder percorrela a fondo. Acábanse de editar 10.000 novas unidades.

A D.O. Ribeira Sacra pon rumbo a Prowein despois de participar durante esta semana no Forum Gastronómico que se celebrou na Coruña entre o 10 e o 12 de marzo. Despois da cita de Düsseldorf, as seguintes actividades de promoción internacional da Denominación de Orixe Ribeira Sacra levarana á London Wine e a Vinexpo en Burdeos.

ÚLTIMAS

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...

Agreden a un árbitro menor de idade tras o partido entre o Calansancio e o Arenteiro

A familia dun árbitro de 16 anos presentou unha denuncia ante a Policía Nacional...

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...