Os datos de ocupación superaron as previsións iniciais na maioría dos casos, salvo os días previos en hoteis de 3 e 4 estrelas onde foi un 8% inferior ao previsto unha semana antes de dar inicio este periodo vacacional. Desde o Consorcio de Turismo da Ribeira Sacra sinalan que, probablemente esteas cifras se deban ás previsións de choiva e a inestabilidade meteorolóxica dos días previos.
Superáronse con moito, os datos do 2018 e a Semana Santa do 2019 converteuse na mellor das que se teñen datos rexistrados. As excelentes cifras poden deberse á tendencia de crecemento dos últimos anos na Ribeira Sacra e ás condicións do tempo moi desfavorables na maior parte do territorio nacional, incrementándose a demanda dos destinos de interior.
Días previos:
- Hoteis 3* e 4*: 72,25 % (68,8 % en 2018)
- Turismo Rural: 75% (50 % en 2018)
- Outros aloxamentos: 80% (52 % en 2018)
Días centrais:
- Hoteis 3* e 4*: 99,5 % (86,61% en 2018)
- Turismo Rural: 98 % (89 % en 2018)
- Outros aloxamentos: 96% (74 % en 2018)
21-22 de abril:
- Hoteis 3* e 4*: 59 %
- Turismo Rural: 82 %
- Outros aloxamentos: % (sen datos polo momento; pendente de recibir unha mostra significativa para facer balance)
Actividades do Consorcio de Turismo ao 100%
As saídas enoturísticas e xeolóxicas programadas dende o Consorcio de Turismo Ribeira Sacra tiveron un 100% de ocupación e amplas listas de agarda.
Destacan a demanda dunha actividade que se presentaba como novidade, as rutas de escape “Búskao na Ribeira Sacra”. Segundo o Consorcio, a iniciativa superou todas as expectcativas quedando máis de 30 grupos sen mochila dispoñible e con intención de realizar a actividade en próximas datas de funcionamento.
