Cinco persoas resultaron feridas na madrugada deste sábado en Chantada tras saírse da vía o coche co que circulaban, segundo informa o 112.

O accidente tivo lugar na LU-P-1807, á altura da parroquia de Brigos, sobre as 0:55 horas. Foi a Policía Local a que alertou do suceso.

Foron avisados por parte do 112 Galicia, entre outros, o 061, a Garda Civil de Tráfico, así como a Agrupación de Voluntarios de Protección Civil de Chantada.