Ana Arias, exconcelleira do PSOE en Sarria, foi localizada logo de permanecer desaparecida desde o pasado xoves. A Garda Civil localizouna este venres nun hotel de Lugo.

Arias –que foi concelleira do PSOE en Sarria entre os anos 2003 e 2011– foi trasladada a un centro médico para avaliar o seu estado de saúde tras esta desaparición.

A pista da desaparecida perdérase tras abandonar o seu domicilio para ir ao seu posto de traballo. No dispositivo de busca participaron axentes da unidade de seguridade cidadá e da agrupación de Tráfico da Garda Civil, con apoio aéreo e guías caninos.