O pasado sábado, 7 de decembro, sobre as cinco da tarde, realizando labores propios de control da Seguridade Cidadá, un indicativo de Radiopatrullas da cidade do Cabe, observa no estacionamento do edificio Multiusos, na rúa María Emilia Casas Baamonde, un vehículo marca Citroen se atopa coas portas abertas.

Cando se aproximan atopan no interior dous mozos, que manifestan consumir substancias estupefacientes e están a escoitar música. Os policías actuantes proceden a realizar unha requisa do vehículo e dos mozos, e localizan unha bolsa con 37 pastillas de cor laranxa de 18 gramos, que son MDMA (éxtase), unha bolsa cun gramo, dunha substancia de cor esbrancuxada en roca e que é Éxtase, unha bolsa con 10 gramos, dunha substancia de cor esbrancuxada en roca e que é Éxtase e un bote de cor branca, tamén con éxtase.

A cantidade de substancias intervidas son de entidade suficiente para proceder á súa detención e posta a disposición xudicial por un delito contra a saúde pública, segundo informan desde a Dirección Xeral da Policía.