Un home foi trasladado na mañá deste xoves afectado por inhalación de fume procedente dunha cociña de ferro que prendeu lume nun moble no municipio de Sober.
Segundo informou o 112 Galicia, os feitos sucederon no lugar da Cal, na parroquia de Barantes, no municipio de Sober, sobre as 7,00 horas deste xoves.
Tras recibir a alerta a través de Urxencias Sanitarias de Galicia-061, por parte do CIAE 112 solicitouse a intervención dos Bombeiros de Monforte, da Garda Civil e da Agrupación de Voluntarios de Protección Civil de Sober. O home afectado por inhalación de fume foi trasladado ao Hospital de Monforte, sinalaron as mesmas fontes.