Un incendio rexistrado este mércores calcinou un alpendre anexo a unha vivenda situada no lugar de Cimadevila, no concello lucense de Paradela. Aínda que a casa tamén se viu afectada o fume, ningunha persoa resultou ferida.
Segundo informou o CIAE 112 Galicia, o suceso tivo lugar sobre as 17,15 horas, cando o propietario alertou de que lle ardía esta instalación.
A información facilitada polos Bombeiros de Sarria ao 112 Galicia apuntaba a unha avaría nunha cociña de gas como posible causa das chamas.
Tras recibir o aviso, o persoal do 112 puxo en marcha un operativo no que participaron ademais dos bombeiros, os axentes da Garda Civil e os profesionais sanitarios. Tamén se informou á empresa subministradora de gas.Unha vez apagadas as chamas, os bombeiros deron por finalizadas as tarefas de extinción.