Unha muller de 65 anos morreu na tarde deste mércores logo de precipitarse ao interior dun pozo de xurro tras un accidente cun tractor que conducía.
Os feitos tiveron lugar na parroquia de Vilamarín, sobre as 15.00 horas, cando a muller conducía un tractor que, por razóns que se descoñecen, emborcou quedando no interior do pozo onde tamén apareceu o corpo da muller.
Segundo as fontes consultadas, ao lugar dos feitos trasladouse o 061, dotacións da policía local e nacional e mesmo o alcalde da localidade, o socialista José Tomé Roca. Tamén unha pa retroexcavadora que axudou a sacar o tractor do pozo. O cadáver foi trasladado xa a Lugo para practicarlle mañá a autopsia.
