HomeSucesosCarencias no servizo de ambulancias da comarca de Sarria no traslado dun...

Carencias no servizo de ambulancias da comarca de Sarria no traslado dun ferido

O suceso tivo lugar no barrio do Mazadoiro este domingo cando un derrube deixa ferida a unha persoa. A ambulancia tardou máis de media hora en chegar ao lugar do accidente segundo explica o alcalde, circunstancia recurrente neste servizo do Sergas na comarca de Sarria.

Publicado o

POR
Redacción
- Advertisement -

Unha persoa resultou ferida este domingo no municipio de Sarria como consecuencia do derrube dun noiro polas fortes choivas caídas durante a fin de semana. Segundo sinala o alcalde, “houbo un pequeno desmonte de terra e puxéronse aí a traballar” para solucionalo. A continuación, “veu practicamente o muro” abaixo, “cun perigo importante, e arrastrou todo ata a estrada”.

Claudio Garrido asegurou a Europa Press que a ambulancia tardou máis de media hora en chegar ao lugar do accidente, polo que o accidentado tivo que ser trasladado “pola Policía Local practicamente no maleteiro do coche” ata o PAC, e de aí ao HULA.

“Hai que felicitar a rapidez da Policía Local, e denunciar as carencias do Sergas en canto ás ambulancias na comarca de Sarria, xa que un día tras outro tamén vemos atrasos en todos os accidentes, cando se precisa unha actuación rápida”, afirma o alcalde.

Sobre o “corremento de terras”, Garrido asegurou que “máis ou menos está solucionado”, e agora resta falar “cos propietarios do terreo” para “acoutar aquilo e tomar medidas para que non se repita”. “Cando se asente o tempo, hai que facer labores de saneamento”, concluíu.

ÚLTIMAS

Novidosas sinalizacións lumínicas para pasos de cebra no Concello de Monforte

O Concello de Monforte vén de presentar a mellora viaria, con sinalizacións lumínicas en...

A Valedora admite unha queixa por ignorar o Concello de Monforte máis de 8 meses a un aspirante

Lembran desde FAC-USO que o 13/10/2023 convocouse un proceso selectivo para unha praza interina...

Do 27 ao 29 de xullo, festas na parroquia monfortina de Piñeira

O deputado de Mocidade, Daniel García, reuniuse coa Asociación de Festexos de Piñeira, que...

Finalistas da X edición do Concurso de Proxectos Empresariais Semente Ribeira Sacra

A esta X edición do Concurso de Proxectos Empresariais Semente Ribeira Sacra presentáronse 85...