Segundo informou o CIAE 112 Galicia, foron varios os particulares os que avisaron do suceso sobre as 16,20 horas, tras o que foron mobilizados os bombeiros de Monforte de Lemos e os efectivos do Servizo de Prevención e Defensa contra Incendios Forestais. Ademais, informouse á Policía Local e Nacional, á Agrupación de Voluntarios de Protección Civil da localidade e, como medida preventiva, a Urxencias Sanitarias de Galicia-061.

A pesar de que o incendio causou múltiples danos materiais, segundo a información recollida no 112 Galicia, ningunha persoa resultou ferida nin afectada polo lume nin polo fume.

Un incendio orixinado nunha cheminea calcina o tellado dunha casa no Incio

Un incendio rexistrado nunha vivenda situada no lugar de Castelo, no municipio do Incio, calcinou toda a cuberta do inmoble, no que provocou múltiples danos. Segundo informou o CIAE 112 Galicia, foi o inquilino da vivenda o que deu o aviso sobre as 16,00 horas e informou de que acendera unha cheminea e que as chamas empezaran a afectar o tellado. A partir de aí, o persoal do 112 avisou aos Bombeiros de Sarria, á Garda Civil e a Protección Civil. O incendio, que non provocou danos persoais, quedou extinguido sobre as 18,45 horas.