A Garda Civil detivo un veciño de Monforte de Lemos como presunto autor dun delito de ameazas con arma de fogo por empregar unha escopeta durante unha liorta veciñal.

Segundo informou o Instituto Armado, os feitos tiveron lugar no termo municipal da Pobra do Brollón, no cal, tras unha liorta entre veciños, supostamente un dos implicados colleu unha escopeta do interior dun vehículo que se atopaba estacionado nas proximidades.

Unha vez no lugar os axentes inspeccionan o citado vehículo, no que acharon unha escopeta descargada no asento posterior, así como tres cartuchos de postas no asento anterior dereito.

A persoa detida en relación con estes feitos foi posta a disposición xudicial, indicou a Benemérita.