Un incendio deixou unha casa totalmente calcinada nun incendio rexistrado na tarde deste xoves no Saviñao, sen que ningunha persoa resultase ferida. Segundo a información facilitada ao 112 Galicia polos bombeiros de Chantada, a vivenda ardeu por completo.
Pola súa banda, os voluntarios de Protección Civil do Saviñao concretaron ao 112 Galicia que, no momento en que se declarou o lume, a dona da casa non se atopaba dentro da vivenda.
O Centro Integrado de Atención ás Emerxencias (CIAE) 112 Galicia tivo coñecemento do incendio ás 13,45 horas, a través dun particular. Segundo o aviso, víase saír moito fume polo tellado dunha casa, no lugar de Vilamor. Tamén informaba o particular de que na casa vivía unha muller.
O 112 pediu a intervención dos Bombeiros de Chantada, da Garda Civil e da Agrupación de Voluntarios de Protección Civil da localidade. Ademais, tamén acudiu ata o lugar dos feitos un equipo dos Bombeiros de Monforte de Lemos.
