Incendio dunha cociña nunha vivenda particular en Monforte

Segundo informa o 112, os feitos tiveron lugar ás 11,45 horas deste venres, cando un veciño chamou para informar dun incendio nun piso de rúa Doutor Casares en Monforte.

Camión de bombeiros / PV

O 112 avisou aos Bombeiros de Monforte e aos profesionais de urxencias sanitarias. Unha vez no lugar, os equipos de intervención informaron que as chamas foron controladas por particulares e que ardeu a campá extractora e algúns mobles da cociña.

No interior da vivenda había unha persoa que tivo que ser trasladada ao hospital monfortino.

Alí tamén se desprazaron os axentes da Policía Nacional e Local e efectivos de Protección Civil de Monforte.

DEIXAR UN COMENTARIO

Please enter your comment!
Please enter your name here