Unha nave industrial que almacenaba herba seca situada en Sarria sufriu un incendio que se saldou sen persoas feridas.

Do acontecido informou o CIAE 112 Galicia, que tivo constancia do suceso ás 15:30 horas deste mércores.

As chamas afectaron á edificación de carácter industrial situada na parroquia de Requeixo e propagáronse a unha zona de monte, polo que a central do 112 avisou aos efectivos do distrito forestal da área.