A primeira hora da tarde do xoves 4 de outubro desatouse un incendio forestal entre as parroquias de Sindrán -Monforte- e Pinel -A Pobra do Brollón-.
Actualmente encóntranse traballando no lume 2 axentes, 4 brigadas, 3 motobombas e 5 helicópeteros; o do Marroxo, o de Portomarín, o de Toén, o de San Juan de Río e finalmente, un helicóptero de coordinación da Xunta de Galicia.
Segundo fontes que informaron a este xornal, o incendio está estabilizado e calcúlase que arderon ó redor de 3 hectáreas aínda que é cedo para concretar este dato pois non está parametizado.
Na foto que ilustra este artigo pódese ver a columna de fume que se podía ver dende a nacional 120.
Cabe salientar que no día de hoxe dende 112 Emerxencias Galicia fíxose un chamamento á precaución pois todo o territorio lucense, agás a zona norte, está en risco extremo de incendio por mor da falta de choivas e as altas temperaturas.
