HomeSucesosO forte vento mantén activo un incendio forestal en Taboada que afecta...

O forte vento mantén activo un incendio forestal en Taboada que afecta a 20 hectáreas

O lume iniciouse este martes e quedaba extinguido onte mesmo, pero este mércores ás 13.44, o vento volveuno a avivar.

Publicado o

POR
Redacción
- Advertisement -

A Consellería do Medio Rural informa dun incendio forestal activo arestora no concello de Taboada, parroquia de Xián. Segundo as primeiras estimacións o lume afecta unha superficie de máis de 20 hectáreas. Polo de agora, mobilizáronse para o seu control 5 axentes, 8 brigadas, 5 motobombas, 3 avións e 3 helicópteros.

Permanece tamén activo o lume rexistrado en Baleira, parroquia de Cubilledo, onde se decretou a Situación 2 como medida preventiva dada a proximidade do lume ao núcleo de Fórneas.

A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.

Prohidas desde xa as queimas agrícolas e forestais

A partires deste mércores quedarán prohibidas as queimas de restos agrícolas e forestais realizadas por particulares en Galicia. Isto implica que, dende xa, non se darán máis permisos e os xa concedidos quedarán en suspenso a partir deste momento. Só quedan excluídas desta prohibición as queimas controladas que executa o Servizo de prevención e defensa contra os incendios forestais debidamente planificadas e dispoñendo dos medios de extinción precisos. A decisión tomouse tras avaliar a evolución da situación meteorolóxica e unha vez analizados polo miúdo os diferentes indicadores técnicos que inciden no risco de lume.

ÚLTIMAS

O BNG de Monforte esíxelle ao Concello solucións para as traballadoras da limpeza nos colexios públicos

A formación nacionalista lembra que xa preguntou no anterior pleno pola situación destas traballadoras...

O Centro Comercial Ponte Vella dálle a benvida ao Nadal

O C.C. Ponte Vella dará a benvida á Nadal hoxe co acto simbólico de...

“Entre Bruxas” en Torbeo, este 21 de novembro desde as 18:00

No 2025, asociación e concello puxeron en marcha «Tempo de Bruxas», un encontro dedicado...

Mitin dos socialistas en Quiroga e encontro en Taboada

Os candidatos do PSdeG ao Congreso e ao Senado por Lugo, Patricia Otero e...