A Garda Civil investiga a un veciño de Castro Caldelas que deu positivo en alcol, con máis do dobre da taxa máxima permitida, logo que o vehículo que conducía sufrise un accidente á saída da estrada en Monforte de Lemos.

A Comandancia da Garda Civil de Lugo dió a coñecer o feito que ocorreu o pasado 27 de abril ás 7,00 da mañá, por intermedio dunha nota de prensa. O sinistro produciuse á altura do quilómetro 11,570 da estrada LU-903 (Monforte – Castro Caldelas). No automóbil viaxaban dúas persoas máis e todos os ocupantes resultaron ilesos.

O condutor, de 40 anos, será posto baixo investigación como suposto autor dun delito contra a seguridade viaria. O caso será remitido ao Xulgado de Instrución número 2 de Monforte de Lemos.