Segundo a información facilitada ao 112, foi necesario cortar a porta do turismo para acceder á ferida, que estaba consciente. Así, foi evacuada coa axuda dunha padiola. Un particular chamou ao 112 ás 18,30 horas para informar os feitos e solicitou axuda para a condutora, atrapada tras envorcar o seu vehículo.
Os xestores do servizo de emerxencias puxeron o sinistro en coñecemento dos profesionais sanitarios, dos bombeiros de Monforte, dos axentes da Garda Civil de Tráfico e da Policía Local. Tamén foron informados membros de Protección Civil e persoal do servizo de mantemento das estradas.
