InicioSucesosFerida unha parella en Sober nunha agresión con atropelo

Ferida unha parella en Sober nunha agresión con atropelo

Os dous membros dunha parella resultaron feridos, a muller, de gravidade, ao ser agredidos ao mediodía deste xoves no termo municipal de Sober. Por estes feitos, hai un home que se entregou á Garda Civil.

Publicado o

POR
Redacción
- Advertisement -

Os feitos ocorreron sobre as 12,30 horas deste xoves, cando o 112 Galicia recibiu chamadas de dous particulares para alertar dunha liorta nunha estrada que une o polígono de Reboredo, en Monforte, coa localidade de Neiras, pertencente a Sober.

Os alertantes indicaban que había unha muller no chan e un home ferido na cabeza, segundo informan a Europa Press fontes dos servizos de emerxencias.

Ao parecer, varias persoas baixáronse duns vehículos e empezaron a agredir á parella. Cando xa se marchaban, unha das furgonetas atropelou á muller, que permanece ingresada no Hospital Universitario Lucus Augusti (HULA) pola gravidade das feridas.

Ás dúas horas, segundo relatan fontes da Garda Civil, un home entregouse aos axentes como presunto autor do atropelo. No entanto, aínda faltan por identificar ao resto de supostos participantes nos feitos, para o que será determinante a declaración da parella.

ÚLTIMAS

Pintores de Carballedo, nacer en Carballedo ten o seu aquel artístico

Xosé Randolfe Vilariño é un dos ilustres de Carballedo, nado no lugar de Quintá...

Unanimidade no Parlamento para demandar ao Goberno de España a execución das variantes ferroviarias dos Peares e Rubián

O autor da iniciativa, José Manuel Balseiro, lembrou que son “infraestruturas proxectadas no seu...

A segunda etapa do Gran Camiño pasará por Taboada e Chantada o 23 de febreiro

A volta ciclista profesional “O Gran Camiño”, que por terceiro ano traerá a Galicia...

Exposición do pintor Gregorio Huerta del Río, o “pintor das uvas”, no centro do viño da Ribeira Sacra

O Alcalde, José Tomé Roca, acompañado pola Primeira Tenente de Alcalde, Gloria Prada, o ...