Un motorista resultou ferido nunha caída na estrada LU-P-1809, ao seu paso pola parroquia de Mairiz, pertencente ao concello de Chantada. Segundo informa o 112 Galicia, uns minutos antes das 16,30 horas, un particular alertou de que un motorista caera ao chan mentres conducía o seu vehículo.

O 112 Galicia solicitou a intervención do persoal de Urxencias Sanitarias de Galicia-061, os cales mobilizaron o helicóptero medicalizado con base en Ourense ata o punto para o seu posterior traslado ao hospital.

Deste accidente tamén foron informados os Bombeiros de Chantada, os axentes da Garda Civil e da Policía Local e os efectivos de Protección Civil de Chantada.