HomeSucesosSuspendido este luns o xuízo por abuso sexual e lesións a unha...

Suspendido este luns o xuízo por abuso sexual e lesións a unha muller nun pub de Sarria

O xuízo oral contra un home acusado de tocarlle o cu a unha muller nun pub de Sarria no 2021 e de agredila despois no rostro cunha botella de cristal, foi suspendido este luns no Xulgado do Penal número 2 de Lugo.

Publicado o

POR
Redacción
- Advertisement -

Nin o procesado, un home de 31 anos para quen o Ministerio Fiscal solicita unha pena de tres anos e medio de prisión por un presunto delito de abuso sexual e de lesións con instrumento perigoso, nin a testemuña que este luns estaba citada a declarar, compareceron na vista, que deberá ser sinalada novamente.

De acordo ao enunciado no escrito de acusación da Fiscalía, o imputado tocaría as nádegas á denunciante no interior dun local de lecer nocturno do citado municipio a noite do 17 de abril de 2021.

Tras recriminarlle esta a súa actitude –e sempre segundo o relato da Fiscalía– ambos iniciaron unha forte discusión na rúa, momento durante o cal o acusado tirou unha botella de cervexa de cristal á muller no rostro, causándolle unha ferida incisa na fazula dereita que requiriu de asistencia facultativa.

O Ministerio Fiscal pide ademais para o acusado, que xa prestou declaración con anterioridade ante a xuíza pero que non compareceu en sede xudicial este luns, a prohibición de achegarse á vítima nun radio inferior a 300 metros ou de comunicarse con ela por calquera medio durante tres anos e medio, así como unha indemnización en favor da denunciante de 245 euros e o pago ao Servizo Galego de Saúde dos custos derivados da atención prestada á muller.

Tamén solicita a Fiscalía a substitución da pena de prisión prevista para o procesado, en situación irregular en España, pola súa expulsión do territorio nacional ou, no caso de non quedar privado de liberdade, polo seu ingreso nun centro de internamento de estranxeiros a efectos de asegurar a súa expulsión.

ÚLTIMAS

O Colectivo Vermut ‘ao rescate’ do San Xoán dos Chaos, en Monforte

Moitas celebracións populares van a menos, e incluso pérdense, por falta de relevo xeracional....

5 piragüistas do Quixós convocados para o Europeo de Suiza

Este xoves, 20 de xullo, a Real Federación Española de Piragüismo deu a coñecer...

As Festas de San Xoán de Sarria máis inclusivas

Falamos con María Eugenia Valcárcel López, concelleira de Festas no Concello de Sarria, para...

Vasoira de Platino para Monforte pola implantación do Plan de xestión da materia orgánica

A cidade de Monforte de Lemos recibiu un galardón que se lle concede ás...