Unha persoa resultou ferida este xoves no concello lucense do Páramo tras sufrir un corte nunha perna cunha rozadora na parroquia de Vilarmosteiro, segundo informou o 112 Galicia. O suceso produciuse arredor das 12.20 horas e foi necesario trasladar a persoa ferida en ambulancia. No operativo participaron efectivos do Servizo Galego de Urxencias Sanitarias-061, que mobilizou o seu helicóptero medicalizado con base en Ourense, así como axentes da Garda Civil.