A Consellería do Medio Rural vén de informar que se desactivou a Situación 2, declarada o mércores pola tarde como medida preventiva no incendio forestal activo que afecta ao Concello de Quiroga. Esta situación operativa de emerxencia decretouse pola proximidade do lume aos núcleos de Casa do Vello, As Barxas e Penas Rubias pero agora evoluciona favorablemente cara a súa estabilización.

O incendio forestal que afecta ao concello de Quiroga, en Lugo, calcina xa 420 hectáreas, segundo a última actualización da Consellería do Medio Rural, difundida pouco antes das 14.00 horas deste xoves. O lume continúa fóra de control, aínda que Medio Rural xa indicara na noite do mércores que “evoluciona favorablemente cara á súa estabilización”. Con todo, a estabilización aínda non foi comunicada oficialmente. Na mañá deste xoves, en declaracións a Europa Press, o alcalde de Quiroga, José Luis Rivera, valorou que “mellorou moito a situación” nas últimas horas.