Un operativo de emerxencias busca desde primeira hora deste xoves a un home de 82 anos que desapareceu na tarde do mércores despois de saír a pasear pola parroquia de San Clodio, no municipio lucense de Ribas de Sil.

Segundo explicaron fontes do operativo, o home, veciño desta zona, puido desorientarse mentres paseaba, unha actividade que realizaba habitualmente.

En concreto, o CIAE 112 explicou que recibiu o aviso ás 16,00 horas do mércores por parte do GES de Quiroga, que comunicou a desaparición após ser alertados pola familia do home.

Este xoves, conforme sinalou o 112, está previsto que os drons da Axencia Galega de Emerxencias (Axega) se sumen á procura do home.

Ademais do GES de Quiroga, participan na procura efectivos de Protección Civil da localidade, así como a Garda Civil.