A Xunta levará este luns a campaña de seguridade viaria ‘O corazón está do teu lado‘ ao CEIP Monte Baliño, no municipio de Pantón (Lugo), co fin de fomentar “hábitos responsables” nas estradas entre os escolares.
Segundo informou a Consellería de Infraestruturas e Mobilidade nun comunicado, a campaña está dirixida a nenos de 6 a 12 anos e prevese que entre o pasado curso e o presente chegue a escolares duns 40 centros.
A iniciativa, en colaboración coa Consellería de Educación, chegará este curso escolar a 20 novos colexios da Comunidade galega, polo que se dá continuidade, destaca a Xunta, a esta actividade formativa desenvolvida nos últimos anos.
Este programa, incluído dentro do Plan de Seguridade Viaria 2016-2020, ten como obxectivo, destaca a Xunta, “explicar e ensinar aos máis pequenos a marxe da estrada polo que deben camiñar, sempre pola esquerda, polo lado do corazón”. A campaña busca, incide a Xunta, “que os máis novos se preocupen pola súa propia seguridade viaria e contribúan”, deste xeito, “tamén á seguridade dos demais”, conclúe.
