HomeCulturaA Ribeira Sacra, Monforte e O Corgo, escenarios da nova tempada de...

A Ribeira Sacra, Monforte e O Corgo, escenarios da nova tempada de ‘O sabor das Margaridas’

A produción galega xa se situou "entre as dez máis vistas de Netflix" no Reino Unido e Irlanda coa primeira tempada.

Publicado o

- Advertisement -

A Ribeira Sacra, Monforte de Lemos ou o Pazo de Adai (no Corgo) atópanse entre os escenarios escollidos para a rodaxe da segunda tempada da serie ‘O Sabor das Margaridas’, que se emite na Televisión de Galicia e Netflix.

O presidente da Deputación de Lugo, José Tomé, recibiu este xoves a parte do equipo de produción e dos actores no marco da colaboración desta institución provincial co audiovisual galego.

Durante o encontro, Tomé destacou a “defensa da industria audiovisual” como parte do “tecido industrial galego” e que “achega un valor engadido á economía en Galicia” a través do cinema e da arte.

Ademais, puxo en valor que esta segunda tempada da serie axuda á “promoción turística” da provincia de Lugo cunha rodaxe que mostra “as paisaxes, monumentos” e puntos “atractivos” do territorio. A produción galega xa se situou “entre as dez máis vistas de Netflix” no Reino Unido e Irlanda coa primeira tempada.

Por outra banda, Tomé explicou que “nos últimos dez anos, a Deputación de Lugo colaborou dunha forma ou outra cunha ducia de películas de series ou curtametraxes” e subliña que “as posibilidades dos novos medios, a multiplicación de canles e a demanda de contidos fan do audiovisual un sector económico á alza” que pode xerar “nos próximos anos máis de 20.000 novos empregos” en España.

SEGUNDA TEMPADA

Pola súa banda, o produtor de ‘O Sabor das Margaridas’, Ghaleb Jaber Martínez, confirmou a finalización da gravación da segunda tempada e apunta a que agora está en “fase de montaxe”.

Ademais, apuntou a que “a lingua non é un obstáculo” e cre que “o audiovisual” é a “mellor maneira de exportar país”. Os escenarios galegos elixidos supoñen “paisaxes que fixeron o traballo máis fácil” para as máis sesenta persoas que participaron nos traballos e na gravación desta serie.

ÚLTIMAS

Olalla Rodil destaca en Sarria que o BNG traballará desde o congreso para mudar a política industrial

Rodil visitou o Polígono do Morelle xunto co Vicepresidente da Deputación e concelleiro do...

Chantada reforza o acceso á información turística nun outono que segue atraendo visitantes á Ribeira Sacra

Destaca o interese dos visitantes nesta época do ano na que a paisaxe do...

A Deputación adxudica a explotación dos Náuticos Ponte do Sil e Maiorga

Con estes acordos, a institución provincial dá continuidade á actividade turística e de lecer...

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...