Adif licita as obras para a rehabilitación do cable de enerxía no tramo Covas-Monforte

As obras custarán case tres millóns de euros.

Estación de tren de Monforte | P.C.

Adif licitou, por importe de 2.952.624,67 euros (IVE incluído), o contrato para a rehabilitación do cable de enerxía de 2.200 V no tramo Covas-Monforte de Lemos, pertencente á liña de ancho convencional León-A Coruña.

Segundo informou Adif nun comunicado, o tramo Covas-Monforte de Lemos, duns 85 quilómetro de lonxitude, forma parte do Corredor Atlántico ferroviario, no traxecto Vigo-Ourense-Monforte de Lemos-León.

“Este tramo dispón actualmente dun sistema de alimentación de 2.200 V que proporciona enerxía ás instalacións de sinalización ao longo de toda a liña”, explica. O obxectivo final deste investimento, que conta cun prazo de execución de 12 meses, “é modernizar e mellorar a fiabilidade do sistema de enerxía que alimenta as instalacións de seguridade que controlan o tráfico ferroviario, permitindo así aumentar a calidade do servizo”, subliña Adif.

As principais actuacións deste contrato céntranse na substitución do actual cable de enerxía de 2.200 V destinado ao sistema de alimentación eléctrico para as instalacións de control, mando e sinalización; cambio dos armarios transformadores instalados ao longo da liña e retirada do cable de enerxía que queda fóra de servizo.

DEIXAR UN COMENTARIO

Please enter your comment!
Please enter your name here