Andrés Montes é o vocalista do grupo musical Gin Toni´s. Nado es Escairón ó igual que gran parte da formación, desde cativo sempre tivo paixón pola música. Unha afección que compartiu desde sempre cos seus amigos e colegas Toni e Ángel.

Como naceu o grupo Gin Toni´s?

Foi no ano 2013 cando, na festa da xuventude de Escairón, Ángel, Toni e máis eu decidimos tocar algunhas cancións para amenizar o día como temos feito outras moitas veces. O organizador da festa púxonos o nome porque como o batería se chama Toni, pois dixo, “a partir de agora sodes os Gin Toni´s” e xa lle quedou o nome para sempre.

Non tiñamos intención de ir a máis pero xusto o presidente do Círculo Saviñao gustámoslle e díxonos se podíamos actuar na festa de Fin de Ano que organiza e alá fomos.

Pero repito, foi todo de casualidade. Ningún de nós tiña intención de facer nin ter todo o que temos na actualidade.

Mira se é casualidade que un día Celso, o guitarrista de Ourense non se atopa ben e veu ata Belesar en taxi onde dabamos un concerto. Pois resulta que o condutor era saxofonista e díxonos que lle gustaría actuar con nós un día. Así o fixemos e xa quedou no grupo.

Logo Alberto Espín, o representante de orquestras, propúxonos actuar nas festas patronais de Monforte e iso xa foron palabras maiores.

Como recordas esa primeira actuación nas festas de Monforte?

Con moita ilusión. Estabamos moi nerviosos porque a explanada da Compañía é moi grande. Organizamos un concerto con sorpresas e moi preparado porque realmente enfrontabamonos a algo que nunca antes fixeramos. Ver o recindo do concerto cheo de xente foi un espectáculo, algo que xamais imos esquecer.

E así pouco a pouco fomos facendo concertos ata hoxe. O ano pasado fixemos 63 concertos públicos e cada día que pasa gústamos máis o que facemos.

Cal é a fórmula do voso éxito?

Eu sempre digo que non existe. Nós o que somos hoxe non foi buscado, xurdiu todo de casualidade. Ningún de nós consideraba a música como unha saída profesional, senón como fixéramos sempre, unha afección.

Gin Toni´s o que ten é carisma. Unha conexión co público. A nosa forma de ser e a de actuar é o que realmente lle gusta á xente.

Como vos organizades porque todos tedes un traballo a maiores?

Temos a vantaxe de que excepto un de nós, o resto somos autónomos e organizamos o noso traballo de pola semana de tal forma que podemos actuar cando nos chaman. Si é certo que temos unha norma e é que soamente tocamos 2 días á semana e entre o venres e o domingo. Tamén facemos algunha excepción como nas festas do San Froilán de Lugo do 2017; chamáronnos para actuar un xoves e fomos, pero xa digo, é unha excepción.

Mira, mentres haxa adrenalina, nós seguiremos actuando. Ás veces tocamos o venres á noite e o sábado a mañá temos que traballar. Pero non importa, aínda que estamos todos cansos, os nervios de poñer o pé no escenario e soar o primeiro acorde, xa é suficiente para que se olvide todo e dar o mellor de nós. Eu sempre digo que o día que non me poña nervioso ao subir a un escenario, retírome.

Pero é que tedes ata club de fans,

(Risas) certo. Eu sempre pensei que iso do club de fans era de frikis e cando naceu a proposta eu dixen, “bueno, facede o que queirades”. As organizadoras da meirande parte son Belén, Chus, Julia e Lola. Elas dixéronme que querían facer un club de fans porque así saían da monotonía e sinceramente, pareceume tan bo argumento que por suposto que o podían facer.

Hoxe podo dicir que ter xente ó teu carón que traballa desinteresadamente polo grupo, soamente porque lles gusta o que fas, é alucinante. Nunca lle poderemos agradecer todo o que fan pola formación. Moitas veces son elas as que se enteran de carteis anunciando a nosa actuación antes ca nós e eu sempre lles digo, “pero como o facedes?”. Estamos completamente marabillados con elas.

En todos os concertos que ofrecemos sempre hai, mínimo, un representante do club de fans. E se elas non poden vir, xa enviarán a alguén no seu lugar. Pero sós nunca nos deixan.

14 de agosto de 2018. Actuades ás 00:30 horas nas festas de Monforte. Que tedes organizado para este día?

A parte dun concerto moi preparado porque volvemos actuar nas festas onde demos o noso primeiro gran concerto, temos preparada unha sorpresa. Temos 3 colaboracións. Tico dos Yellow Pixoliñas, Alberto Cabo de Himen Breakers e Isi de Frente Norte foron para min os referentes da música da zona. A eles débolles a miña paixón. Sempre que os vía actuar pensaba para min “eu quero facer o mesmo algún día”.

Eu creo que vai gustar moito porque son 3 figuras da música. Foron 3 grupos que no seu día, e aínda hoxe, marcaron unha xeración. Considero que para todos os que amamos a música, foron todo un referente da súa época.