HomeTerra de LemosSoberUnha adega de Sober, protagonista dun documental estadounidense

Unha adega de Sober, protagonista dun documental estadounidense

Destacan a "filosofía" sustentable do establecemento.

Publicado o

POR
Redacción
- Advertisement -

A adega Régoa, da D.O. Ribeira Sacra na suzona de Amandi, no municipio de Sober, participará este mes nunha serie documental dunha produtora de Estados Unidos que terá “proxección internacional”.

Segundo informa a empresa nunha nota de prensa, “a adega propiedade de José María Prieto é a única de Galicia que vai formar parte deste proxecto audiovisual sobre adegas de autor”. Xunto a ela, tamén participarán do traballo audiovisual outras do País Vasco ou A Rioxa.

José María Prieto / Facebook Régoa

A elección de Régoa para este proxecto prodúcese “pola súa filosofía no tratamento da terra, coidado das viñas e sustentabilidade que caracteriza o seu traballo”, explica a firma. Cada unha das zonas vinícolas escollida dará para un episodio da serie, cinco en total, polo que a Adega Régoa será “protagonista duns dos episodios do proxecto”, engade.

PLAN DE GRAVACIÓN

A gravación levará a cabo os días 27 e 28 de maio nas instalacións que Régoa ten en Amandi e tamén noutras localizacións de Sober, na Ribeira Sacra. O equipo técnico estará formado por dez persoas, entre as que se atopa o director da produtora estadounidense E-Content Dixital, de orixe americana.

Así, ademais de dar a coñecer os viñedos da adega e as súas características, e de catar os seus viños, “tamén se fará unha visita á Reitoral de Gundivós para ensinar o funcionamento da ollería tradicional e unha parada na quesería Airas Moniz de Chantada”.

O proxecto documental estrearase no último trimestre do ano, sobre esta adega que conta con dez hectáreas de viñedo en “unha única peza no corazón de Amandi, en San Martiño, no concello de Sober”, engade. Régoa produce sobre 40.000 quilos anuais de uva que se destinan “maioritariamente” ao mercado nacional a través das súas distribuidoras.

ÚLTIMAS

Campus de Voleibol e de Fútbol en Quiroga

O Concello de Quiroga poñerá en marcha un ano máis, e xa van 5,...

O Concello de Chantada aumenta a capacidade e mellora os servizos do punto limpo

O Concello de Chantada vén ampliando e mellorando o punto limpo do municipio desde...

305.000€ para un novo aparcadoiro no Polígono do Reboredo en Monforte

O aparcamento actual, que se ubica na marxe esquerda da vía principal do Polígono,...

Aberto o prazo para a ludoteca de verán de Triacastela

As actividades da ludoteca terán horario de 09:30 a 14:00 horas. Ofértanse 20 prazas...