A veciñanza da parroquia de Vilar de Ortelle, no concello de Pantón, recuperaron o servizo de subministración de auga potable tras secar un pozo que, ademais, fornece a cinco núcleos de dita parroquia.
O alcalde, José Luís Álvarez, puntualizou que se trata dun “pozo de bombeo e ultimamente observouse que escaseaba a auga e o fin de semana, en concreto o sábado, tívose que cortar a subministración”.
Agora, engadiu, xa “funciona” o pozo aínda que “para evitar problemas no futuro fíxose outro que se porá en funcionamento entre hoxe e mañá”.
Segundo indicou, o problema vén derivado da “seca”, co baleirado do manancial e un corte que afectou a un cincuenta veciños.
