O alcalde asegura que o incendio de Frontón foi “intencionado”: “Plantouse en sete puntos diferentes”

José Luís Álvarez indica que o lume "está controlado, cercado polas estradas".

Chan calcinado nun incendio en Galicia. EUROPA PRESS - Arquivo | Fonte: Europa Press

O alcalde de Pantón, José Luís Álvarez, asegurou que o incendio declarado na parroquia de Frontón, que queimou unhas 25 hectáreas, foi “intencionado”.

Así, informa de que se descubriron “ata sete puntos diferentes onde se plantou lume”. O lume está estabilizado, segundo a última actualización da Consellería de Medio Rural desta mañá de mércores.

Álvarez sinala que “está controlado, cercado polas estradas”, aínda que “segue ardendo o que hai no medio”. “Ao ser un terreo de tanto desnivel é moi difícil apagalo con auga”, razoa.

O alcalde de Ferreira de Pantón congratulouse de que “o perigo xa non existe, aínda que chegou a achegarse a unha aldea, pero por sorte aí tíñanse as franxas feitas a 50 metros e nunca se correu perigo”.

DEIXAR UN COMENTARIO

Please enter your comment!
Please enter your name here