A Confederación Hidrográfico do Miño-Sil (CHMS) finalizou os traballos de protección e traslado da fauna piscícola no río Cabe no seu paso polo centro urbano de Monforte de Lemos. Esta recolocación débese a que se renovan as obras de acondicionamento e mellora da Pinguela, para as que o Estado investirá máis de 600.000 euros.
Nun comunicado, a CHMS indicou que as accións están situadas en Rede Natura e autorizadas e supervisadas pola Dirección Xeral de Patrimonio Natural da Xunta.
Así, o Servizo de Conservación de Lugo –encargado da supervisión e dos pasos a seguir– informou o pasado martes, 23 de agosto, da necesidade de retirar as especies nese tramo tras detectar 11 troitas e un cangrexo de río mortos.
Desta forma, o presidente da Confederación, José Antonio Quiroga, sinalou que “durante a mañá deste xoves apareceron oito troitas mortas máis durante os labores de traslado, á finalización das obras está prevista unha solta de alevíns para manter as especies habituais do río Cabe”.
