O Concello de Monforte aprobou as bases para participar na 20ª Mostra de artesanía Artelemos. Dende o martes 29 de maio ata o día 22 de xuño ás 14:00 horas, todos os interesados en participar poderán rexistrar a súa solicitude para participar na páxina web web municipal .O evento celebrarase os vindeiros días 3,4,5,6 e 7 de agosto na Rúa Cardenal.

Cada un dos artesáns disporá dun posto individual dotado de tarima, iluminación e rotulación promorcional propia. Desta volta, cada 3 ou 4 postos, haberá pasillos co obxectivos de facer máis dinámica a visita ao público.

Este ano serán un total de 23 casetas; unha delas estará adicada á celebración de obradoiros e información da mostra, mentres cos 22 restantes serán para exposición e venda de produtos artesanais.

En declaracións do Alcalde, “o público que se achegue poderá adquirir produtos moi variados de diferentes disciplinas artísticas. Haberá orfebrería, cestería, coiro, lá, olería de Gundivós e cerámica. Ademais poderase ver a fabricación dos produto en directo”.