InicioTerra de LemosBóvedaLuz verde da Xunta ao parque eólico Paradela- 005

Luz verde da Xunta ao parque eólico Paradela- 005

O complexo eólico, entre Bóveda, O Saviñao, Paradela e Sarria, está promovido por Green Capital e ten unha potencia de 23 megawatts.

Publicado o

- Advertisement -

A Xunta outorgou autorización administrativa previa e de construción ao parque eólico Bretoña, situado entre os municipios lucenses da Pastoriza, Riotorto e Mondoñedo; así como ao parque Paradela-005, que se proxecta nos tamén concellos lucenses de Bóveda, O Saviñao, Paradela e Sarria.

O Diario Oficial de Galicia (DOG) publica este luns, 19 de febreiro, senllos anuncios asinados polo director xeral de Planificación Enerxética, Pablo Fernández Vila, con data do 17 de novembro (Bretoña) e 3 de xaneiro (Paradela-005).

O parque eólico Paradela-005 está promovido por Green Capital e ten unha potencia de 23 megawatts. O investimento previsto supera os 33 millóns de euros. Considérase que “non é previsible que o proxecto xere efectos significativos” de impacto ambiental.

No caso do parque Bretoña, impulsado por Norvento, conta cunha potencia de 3 megawatts, cun orzamento de execución de máis de 2 millóns de euros. Na resolución recóllese que “non están previstas afeccións” en relación cos prexuízos xerados polo proxecto sobre explotacións agrícolas, gandeiras, forestais e madeireiras, “máis aló das propias zonas de implantación das infraestruturas definidas no proxecto de execución”. Así, dáse luz verde, aínda que se expón que “a instalación do parque eólico Bretoña implica un aumento do 0,04% da afección de hábitats prioritarios, un efecto acumulativo moderado en canto a avifauna e compatible para quirópteros”.

ÚLTIMAS

Degustacións comentadas na XXIV Mostra do Aceite de Quiroga

A recreación da elaboración tradicional no muíño de Bendilló e a venda do aceite...

O PP esixe o “arranxo inmediato” da estrada LU-P-2903 en Bóveda: “Xa non poden circular camións ou tractores”

Os deputados do Grupo Provincial Popular de Lugo esixiron ao presidente da Deputación, José Tomé, o "arranxo inmediato"...

A candidatura da Ribeira Sacra a Patrimonio Mundial recibe o apoio da Secretaria de Estado de Turismo

A Secretaria de Estado de Turismo, Rosana Morillo, mostrou o seu total apoio á...

A Deputación destina 2,46M€ para a mellora de estradas provinciais

Xunta de Goberno da Deputación de Lugo aprobou este venres a adxudicación, por un...