O Sergas vén de confirmar a aparición dun caso positivo de coronavirus nun traballador do Hospital Comarcal de Monforte. Segundo informan, o Servizo de Medicina Preventiva do centro hospitalario realiza a súa función reforzado polo Servizo de Medicina Preventiva do HULA, baixo os protocolos establecidos polo Ministerio de Sanidade, a Consellería de Sanidade e o Sergas, entre posibles contactos deste traballador.

Anuncian tamén que o Hospital Comarcal de Monforte apraza de modo racional a actividade que  non sexa urxente, resolvéndoa telefonicamente e darcodo coas indicacións da Consellería e do Ministerio. Así, estanse resolvendo consultas de modo telefonico para que a xente permaneza no seu domicilio e non teñan que deprazarse, tal e como recomendan os expertos e as autoridades sanitarias.

Polo demáis, o Hospital desenvolve a súa actividade con normalidade dentro da situación epidémica que estamos vivindo. Insístese en adoptar as medidas preventivas oportunas para controlar o avance desta enfermidade transmisible. Non se trata de alarmar nin xerar medo na poboación, pero si de tomar as medidas que contribúan a limitar o contaxio.