Varela explica que recentemente, o Concello procedeu ao asfaltado do Camiño dos Codesos, pola parte de atrás do Hospital Comarcal, lugar por onde os camións descargan subministracións importantes para este complexo sanitario.
A portavoz popular indica que “existen desde este camiño outros accesos menores pero igual de importantes para o persoal do Hospital; “o concello gobernado por Tomé, sexa polo seu afán de constante enfrontamento coa Xunta de Galicia sexa polo seu carácter chafalleiro na execución das obras, procedeu á instalación dun gardarraíl soamente polo lado da estrada que rodea ao hospital, cercándoo e cortándolle calquera acceso”.
Os traballadores expresaron a súa protesta ao populares xusto no momento da instalación da varanda. “Gobernar é tomar decisións, pero as decisións teñen que estar debidamente meditadas e responder a unha análise rigorosa das súas vantaxes e inconvenientes. No caso do alcalde de Monforte, o socialista José Tomé, está claro que moitas decisións están escasamente pensadas e, se o están, non teñen por obxectivo principal mellorar a calidade de vida dos cidadáns”, conclúen os populares.
