Segundo informan desde CCOO Lugo, xa antes do verán se detectaron anomalías no funcionamento da empresa salmantina Gescor. Asegura o sindicato que hai atrasos  no pago das nóminas e que están mal confeccionadas, descontando case un 50% do salario en conceptos como vacacións collidas de máis. Din desde o sindicato que este feito xa o tiñan denunciado. Desde CCOO advirten ao xerente da empresa que se non se subsanan as deficiencias que perxudican aos traballadores e aos alumnos dos centros, trasladarán a situación aos xulgados.