HomeEconomíaMonforte acollerá cinco xornadas sobre a xestión de distintos tipos de explotacións

Monforte acollerá cinco xornadas sobre a xestión de distintos tipos de explotacións

A inscrición debe realizarse a través da páxina web da Consellería do Medio Rural.

Publicado o

- Advertisement -

A Consellería do Medio Rural ten previsto realizar, entre o 10 e o 14 de outubro, ata cinco xornadas sobre xestión técnico económica de distintos tipos de explotacións no Centro de Formación e Experimentación Agraria de Monforte.

Segundo informou a Xunta este martes, as accións desenvolveranse entre as 10,00 horas ata as 14,15 horas. Así, o luns 10 de outubro terá lugar unha xornada sobre a xestión das granxas de vacún de leite.

Tamén ese luns e o martes 11, abordarán as peculiaridades das explotacións da gandaría extensiva. O xoves 13 a temática versará sobre as granxas con necesidade de base territorial e o venres 14 sobre as explotacións de cultivos, fruticultura, vitivinicultura e apicultura.

O obxectivo destas formacións é presentar a xestión técnico económica como unha ferramenta para reducir a incerteza na actividade agrogandeira. Desta forma, definirán o concepto, tratarán a súa utilidade, analizarán as fases que comprende e o produto final.

Ademais, analizarán os diversos conceptos relacionados coa xestión como os investimentos e o cálculo das amortizacións técnicas ou os préstamos.

Estas xornadas están dirixidas a calquera persoa vinculada profesionalmente cos sectores produtivos relacionados coa agricultura, gandaría, industria agroalimentaria e cadea forestal-madeira, así como á mocidade do medio rural galego e as persoas con expectativas de incorporación ao sector.

A inscrición debe realizarse a través da páxina web da Consellería do Medio Rural. O coordinador contactará coas persoas interesas mediante o correo electrónico para comunicarlle se están ou non admitidas, explicou o Executivo autonómico.

ÚLTIMAS

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...

Agreden a un árbitro menor de idade tras o partido entre o Calansancio e o Arenteiro

A familia dun árbitro de 16 anos presentou unha denuncia ante a Policía Nacional...

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...