A próxima semana comezarán as obras de mellora da pasarela sobre as vías do ferrocarril entre o barrio de As Cruces e a rúa Calvo Sotelo.

Estes arranxos consistirán nunha detallada revisión da estrutura, a dotación dun novo firme, a reparación das varandas, a eliminación do óxido e o pintado daquelas zonas nas que sexa necesario.

A estimación é que os traballos se prolonguen durante un mes, para poder realizar axeitadamente todas as actuacións programadas. Por este motivo, a partir do luns, 29 de outubro, será preciso cortar o paso de peóns.

Unha vez que ADIF finalice as obras de mellora da pasarela, o concello procederá ó arranxo dos seus accesos para que resulte o máis cómodo posible ás persoas que empregan esta pasarela.  As obras de mellora correrán a cargo do ADIF