A organización “Mar de Lumes” vén de anunciar a convocatoria dunha concentración en solidariedade co pobo palestino. Este evento levarase a cabo o vindeiro domingo, 22 de outubro, ás 12:00 horas na Praza de España de Monforte de Lemos. Baixo o lema “Paremos o xenocidio na Palestina”.

A situación en Palestina é motivo de preocupación a nivel global, os bombardeos e ataques das últimas xornadas de Israel conta a Faixa de Gaza “que xa deixan milleiros de cidadáns palestinos falecidos e moitos máis feridos provocaron mobilizacións en todo o mundo e unímonos á voz de quen desexa expresar o seu apoio á causa palestina. A concentración é un chamado á solidariedade, á paz e a xustiza na rexión”, sinalan os promotores.

“Mar de Lumes” convida á cidadanía de Monforte e da comarca interesada en mostrar o seu apoio para unirse a esta concentración. Procederase á lectura dun manifesto, por persoas simpatizantes coa causa para expresar a solidariedade con Palestina.