Unha tarde espléndida no climatolóxico axudou a crear un gran ambiente participativo e festeiro en Monforte para facer deste ‘Martes de Entroido’ un día espectacular, coa participación de moita xente no desfile e nas rúas seguindo o mesmo ata a súa chegada á Compañía.

A participación tiña este ano un atractivo engadido, pois nesta edición incrementáronse os premios en 4.000 € facendo que a dotación deste ano fora a maior ata o momento segundo fontes do concello. O Alcalde comentaba que esta medida fixo aumentar a participación contribuíndo tamén “ao impulso económico” de Monforte pois “esta celebración reúne na cidade a un número importantísimo de persoas tanto de aquí como de fora que visitan Monforte para desfrutar dunha posta en escena divertida e colorista, na que non pode faltar a crítica e o bo humor”.

Para o concurso deste 2025 o Concello estableceu dúas modalidades, unha delas para as comparsas e disfraces de Monforte de Lemos e outra para disfraces e comparsas de fóra do municipio. Polo Concello de Monforte anotáronse, nas diversas categorías de comparsas, 15 colectivos; e nas categorías individuais de 1 a 3 compoñentes houbo 11 inscricións. De concellos de fóra de Monforte anotáronse 14 comparsas diferentes provintes de concellos tanto da provincia de Lugo, en concreto: Sober, Sarria, O Saviñao e Pobra de Brollón; como doutras provincias, concretamente: Nogueira de Ramuín, Ourense ou Ferrol.

O DESFILE

O Desfile de comparsas e disfraces do Concello de Monforte comezou ás 17:00 horas na praza da Estación. Percorreu as rúas Calvo Sotelo, Roberto Baamonde, Praza Ponte Fontecha, rúa Compañía, e finalizou na explanada fronte o Colexio de Nosa Señora da Antiga. Neste punto final, a concelleira de Cultura, Marina Doutón –disfrazada de ratiña presumida– deu a coñecer aos ganadores e gañadoras do concurso. A xornada concluíu coa actuación da Orquestra Suavecito.

O Alcalde e o resto do Equipo de Goberno felicitaron aos premiados e agradeceron a todos os e as participantes o esforzo que fixeron para a realización das súas propostas e animan aos veciños a seguir participando nas actividades organizadas polo Concello que se desenvolven na cidade.

RELACIÓN DE PREMIADOS/AS

Comparsas de fora de Monforte, 1 a 3 compoñentes:

3º- Dende a Alameda ata a Compañía chegan as dúas Marías, Sober, 150€

2º- La canción del Colacao, Sarria, 200€

1º- Recicleitor e o seu dragón da reciclaxe, Sober, 250€

Comparsas de fóra de Monforte, 4 a 24 compoñentes:

3º- A bruxa do Condado, co feitizo preparado, Ferrol, 300€

2º- Nadar por eiquí, nadar por alí, Cereixa, A Pobra do Brollón, 400€

1º- O Barraquillo, Sarria, 500€

Comparsas de fora de Monforte, máis de 25 compoñentes:

3º- Ribeiraos de Bolmente, Asoc. Veciños Bolmente, 300€

2º– Píde un desexo … en Sober, Anpa Virxe do Carme de Sober,  450€

1º- Asun Feiros, Anpa Colexio Asunción de Sarria, 600€

Premio ao mellor humor: Carude cousa nosa, Comparsa Barrio Carude, 300€

Premio á posta en escena: Al son del Torre de Lemos, Colexio Torre de Lemos, 300€

Premio crítica de actualidade: X. Héctor Manuel Díaz López, 300€

Premio mellor música en vivo: Tukupá, Asoc. Battuere, 300€

Premios ás carrozas:

Accésit.- Voda “Low Cost”, Asociación PRODEME, 100€

Accésit.-  Tic-Tac, ANPA A Lagoa Ceip Monforte -Colexio Novo, 100€

Accésit.- A cuncha bota fume, Corredoira, 100€

3º.- Chegaron os que faltaban, Campo San Antonio, 450€

2º.- Dragones de Lemos, Grupo De Amigos Barrio De Cobas, 600€

1º.- Memorias del Titanic, As. Cult. Os Xograres de Lemos, 800€

Individual infantil, 1 a 3 compoñentes:

2º- Super maquinista del futuro, Manuel López Rodríguez, 150€

1º- Mi amigo el zombi y yo, Leo Salgueiro, 200€

Comparsas infantil, de máis de 4 compoñentes:

1º- Ribeira Sacra Fest Junior, 500€

Individual adulto, 1 a 3 compoñentes:

Accésit- Los chocolates del Tirol, Luisa Astray, 100€

3º- Como che cambiou o Conto!!!, Adelina Deus González, 150€

2º- El Faraón y la princesa Cleopatra, Mª Rocío Rodríguez Gonda 200€

2º- Robots, Julio César Gómez Pérez, 200€

1º- María Antonieta y su Corte, Víctor Monserrat Prats, 300€

Comparsas entre 4 e 24 compoñentes:

3º- As medusas máxicas do Sil, 300€

2º- Tukupá, Asoc. Battuere, 400€

1º- Ribeira Sacra Fest, 500€

Comparsas entre 25 e 50 compoñentes:

2º- A cuncha bota fume, Corredoira, 500€

1º- Dragones de Lemos, Grupo De Amigos Barrio De Cobas, 700€

Comparsas entre 51 e 90 compoñentes:

Accésit- Nimbawa, Clube Quicela Ximnasia Rítmica, 300€

Accésit- Al son del Torre de Lemos, Colexio Torre de Lemos, 300€

3º- Chegaron os que faltaban, Campo San Antonio, 400€

3º- Memorias del Titanic, As. Cult. Os Xograres de Lemos, 400€

2º- Tic-Tac, ANPA A Lagoa Ceip Monforte -Colexio Novo, 550€

2º- Mundo Rabbit, Colexio Ferroviario, 550€

1º- Voda “Low Cost”, Asociación PRODEME, 800€

Comparsas de máis de 90 compoñentes:

2º- Carude cousa nosa, Comparsa Barrio Carude, 1.000€

1º- O rebaño de Celia, ANPA CEIP A Gándara, 1.500€