Tal e como informou o 112 Galicia, as tarefas de busca centráronse na zona das Nocedas. Pasadas as 19.30 horas, os axentes da Policía Local confirmaron que localizaran o home nun camiño con abondosa maleza, de difícil acceso e con sinais de ter caído.

Unha vez rescatado, os axentes trasladaron o octoxenario ata unha ambulancia, que lle prestou atención sanitaria e o evacuou ao centro hospitalario de referencia.

No operativo tamén participaron efectivos da Policía Nacional e da Garda Civil, así como bombeiros e voluntarios de Protección Civil de Monforte.

Ademais, foi mobilizada a Unidade de Rescate Cans de Salvamento de Galicia, que desprazou tres guías e catro cans.