CIG-Saúde Monforte quere denunciar o mal funcionamento da calefacción no C.S. do Saviñao
Fai dous anos cambiouse a caldeira de gasoil por un sistema central de caldeira de pellets no Concello. Esta caldeira central distribue a calor a diversos edificios públicos de Escairón. Dende que se instalou este sistema a calefacción nunca funcionou ben e nas instalacións cando fai moito frío, non se acada unha temperatura óptima para unhas instalacións sanitarias.
Desde o sindicato fixéronse escritos ao concello e ó Sergas comunicando esta situación pero o problema non o solucionan
As instalacións do Centro de Saúde do Saviñao levan dende o luns 26 de novembro, cunha temperatura de 15ºC, acendendo a calefacción a media mañá. O grupo sindical quere destacar que no centro de saúde os pacientes desvístense para ser explorados, aos nenos incluso por completo para facerlles as revisións.
O 30 de novembro CIG-Saúde chamou ao concello ás 8:30 horas para decirlles que estaban os radiadores apagados (ás 10:00 horas había 16ºC non se prendera a calefacción). Non lle derón ningunha solución ao problema. Os pacientes teñen que estar coas chaquetas postas polo frio que fai no Centro de Saúde
CIG-Saúde solicita que se solucione o problema que se leva arrastrando dende hai dous anos e sempre que chega o inverno pasa o mesmo e o Concello non fai nada para solucionalo.
