O Concello do Saviñao organiza unha nova edición de Cantos de Taberna para ambientar Escairón nesta Semana Santa.
Tras a invitación do concello presentáronse un total de dez grupos para participar nas roldas que os levarán polos establecementos de hostalería local dende as 18:00 h. do venres 18 de abril. Esas formacións musicais tradicionais son as seguintes: A Tribo do Carballiño, Nubeiro Son Galego, Os Tarabelos do Saviñao, Os Rechouchíos, Trisqueles, Feitizo de PAu, Os da Viña do Marqués, Xílgaros de Lugo, Son do Mao e Os Trespés.
No que respecta aos locais acolledores dos Cantos de Taberna, son os seguintes: A Maruxa, Unión, Indalo, Os Campeliños, o Círculo Saviñao, O Rincón, Avenida, Moderno e O Noso Lar.
Ao remate haberá unha cea de familia para todos os grupos participantes e Foliada na Carpa que hai diante da Casa do Concello.
