InicioEconomíaPantón recibe axuda da Xunta polos incendios de outubro

Pantón recibe axuda da Xunta polos incendios de outubro

5 concellos da provincia, segundo a Xunta,  solicitaron en tempo e forma as axudas contempladas no Decreto de Medidas urxentes para a reparación de danos polos lumes aprobado en outubro do 2017.

Publicado o

- Advertisement -

O delegado territorial da Xunta en Lugo, José Manuel Balseiro, asinou  os convenios de colaboración cos concellos de Castro de Rei, Cervantes, Negueira de Muñiz, as Nogais e Pantón para sufragar os custos que lles xeraron os incendios do pasado mes de outubro.  Estes concellos declararon gastos por importe de 26.609, 06 euros, dos que a Xunta achega 13.304,53 euros. As axudas sufragarán as actuacións dos concellos na extinción dos lumes e os danos nas infraestruturas e servizos municipais.

Deste xeito materialízase o compromiso da Xunta, axuda do 50% para os concellos que a solicitaron conforme ao establecido na convocatoria. Durante a sinatura dos convenios José Manuel Balseiro lembrou que a Deputación e o Goberno central comprometéranse coa FEGAMP a financiar o 50% restante e pedía aos concellos que esixisen destas administracións a mesma dilixencia que lle esixiran á Xunta.

As axudas da Deputación

A Deputación destina 300.000 euros para axudas encamiñadas á recuperación de terras abandonadas. Estas axudas diríxense a profesionais do sector primario para poñer en produción terreos baldíos con actividades agrícolas ou gandeiras. As axudas serán de 500 euros por hectárea podendo recibir unha contía máxima de 9.000 euros, cos que os beneficiarios poderán recuperar a produción de ata 18 hectáreas.

ÚLTIMAS

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...

A xornalista, Lucía Rodríguez, con raíces en Sober, pregoará a Feira do Viño de Amandi

O concello de Sober deu a coñecer este mércores o nome da persoa que...