Charla con cata na Pobra do Brollón

O concello dálle continuidade ás 'charlas inspiradoras' este xoves 9 de decembro coa presenza da adega Abadía da Cova.

Mimando as cepas de Abadía da Cova. Foto: Adegas Moure

O xoves 9 terá lugar na Casa da Cultura da Pobra do Brollón unha charla con cata a cargo da adega Abadía da Cova. A cita está programada para as 20:15 h.

Paloma Rodríguez e Xosé Moure, relevo xeracional desta adega da D.O. Ribeira Sacra, serán os encargados de dar a coñecer o proceso de renovación en forma e contido de Abadía da Cova —Adegas Moure— no Concello do Saviñao. Un proceso de innovación “sempre respectando as raíces desta adega histórica da Ribeira Sacra”, refiren os organizadores. O acto rematará cunha cata de viño.

Esta charla chega tras escoitar días atrás a historia de Xosé García na granxa familiar Casa da Fonte. Deste xeito, o Concello da Pobra do Brollón convida a coñecer de primeira man outro proxecto innovador ligado á terra.

Prégase reserva no teléfono 650 624 828.

DEIXAR UN COMENTARIO

Please enter your comment!
Please enter your name here