O Concello da Pobra do Brollón vén de facer un comunicado público no que avisa de traballos de limpeza na presa de Loureiro o martes 22 de setembro. Por este motivo, o subministro de auga pode verse interrompido nalgún momento e pode ser que a auga das billas saia con algo de turbidez nos vindeiros días. “Neste último caso recomendamos non facer uso da auga para o consumo directo”, trasladan dende o goberno municipal.

As poboacións afectadas son: Pereiro, Domiz, Recemunde, Tudriz, Martul, Vilardeperas, Lamaigrexa, Castroncelos, Vilarmao, Piñeiros, A Estación, Abrence, Frieira, Pinel e A Pobra do Brollón.

Dende o concello aproveitan, ademais, para pedirlle á veciñanza un uso responsable para que a auga dos depósitos dure máis tempo.