O novo concurso público de servizos de transporte sanitario urxente da Xunta de Galicia, que está en fase de licitación, recolle que o persoal das ambulancias de toda a Comunidade Autónoma estará composto por 2 técnicos de emerxencias, un médico e un enfermeiro. Pero isto non se cumpre nas ambulancias de Monforte de Lemos, Foz e O Salnés, onde o PP suprime un destes técnicos nos pregos, segundo apunta Santos Ramos.

Segundo o Secretario Provincial do PSOE, o novo servizo anunciado para Monforte estará infradotado. Engade, “en caso dunha parada cardíaca, dun accidente de tráfico ou dun afogado son necesarios os 4 profesionais para mobilizar ao usuario, colocalo na cadeira ou realizar as técnicas necesarias nese momento.”

O servizo de ambulancias medicalizadas atende patoloxías tempodependentes onde a vida dos doentes corre perigo. Con este recorte sinala, Campos Ramos, que non se pode asegurar a calidade da atención ás persoas. Asegura que se “trata dun novo agravio comparativo, empeorando drasticamente a calidade asistencial destes dous Concellos e por conseguinte da Mariña e do Sur da provincia.”